LANKA-B-NEWS

(Bනිව්ස්, 2024 නොවැම්බර් 09) ගාසා යුද්ධයේදී සිදු කළ කෲර මිනිස් ඝාතන පිළිබඳ ලෝකයම කම්පාවට පත් කළ වාර්තාවක්, මානව හිමිකම් පිළිබඳ එක්සත් ජාතීන්ගේ මහ කොමසාරිස් කාර්යාලය මගින් ඉකුත් දා එළි දැක්වූවා. මේ වසරේ අප්‍රේල් 30 වන දා වන තුරු, හය මසක කාලයක් තුළ රැස් කරන ලද දත්ත මත මෙම සංඛ්‍යා ලේඛන පදනම් වී තිබෙනවා. යුද්ධයේ පළමු ගොදුර දරුවන් සහ කාන්තාවන් යන කියමන යළි යළිත් සනාථ කරමින්, මේ යුද්ධයෙන් ඝාතනය වූවන්ගෙන් 70%ක සුවිසල් බහුතරය, දරුවන් සහ කාන්තාවන් බව එම වාර්තාවෙන් පැවසෙනවා. දරුවන්ගේ පමණක් මරණ ප්‍රතිශතය 44%ක්. මොවුන් අතරින්, ඝාතනය වූ ලාබාලතමයා එක දිනක් වයසැති බිළිඳෙකු වූ අතර වයස්ගතම පුද්ගලයා 97 වියැති කාන්තාවක්. මිය ගිය අය අතුරින් 88%ක් මිය ගොස් ඇත්තේ, ගොඩනැගිලි තුළ සිටියදී බව ද මෙම වාර්තාව හෙළි කරනවා. ගාසාවේ සෞඛ්‍ය අමාත්‍යාංශයට අනුව, නොවැම්බර් 8 වන දා වන විට, අවම වශයෙන් පලස්තීනුවන් 43,508 ක් මිය ගොස් 102,684 ක් තුවාල ලබා තිබෙනවා. මීට අමතරව, ඊශ්‍රායලය ලෙබනනයට එල්ල කළ ප්‍රහාරවලින් අවම වශයෙන් පුද්ගලයන් 3,117ක් මිය ගොස් 13,888ක් තුවාල ලබා තිබෙනවා. ගාසාවේ මිලියන 2.142ක් වූ මුළු ජනගහණයෙන් 43,000ක් ඝ...

(Bනිව්ස්, 2024 නොවැම්බර් 05) "මේ තරඟය පක්ෂ දෙකක් හෝ අපේක්ෂකයින් දෙදෙනෙක් අතර තරඟයකට එහා යන දෙයක්. එය සෑම ඇමරිකානුවෙකුටම නිදහසේ ජීවත් විය හැකි රටක් අපට ඉතිරිවේද නොඑසේනම්, අවුල් සහගත භේද බින්න වූ රටක් අපට ඉතිරි වේද යන්න සම්බන්ධ ගැටළුවක්." ට්‍රම්ප්ට එරෙහි මැතිවරණ ප්‍රචාරණ ව්‍යාපාරයේ අවසන් පණිවුඩය ලෙස කමලා හැරිස් ඇමරිකානුවන්ට එසේ කියනවා. තව පැය ගණනකින්, කිසිදු දිනෙක කාන්තාවක් ජනාධිපති පුටුවට නොයැවූ නින්දා සහගත ඇමරිකානු ඉතිහාසය වෙනස් වෙයිද? ජනාධිපතිවරණ ප්‍රතිඵලය කුමක් වුවත්, ට්‍රම්ප් සමග කරට කර තරඟයක නියැලෙන කමලා හැරිස් දැනටමත් ඇමරිකානු ඉතිහාසය අලුත් කර හමාරයි. කවුද මේ හැරිස්? මේ ඇය ආ මග ගැන කෙටි හැරී බැලීමක්. කමලා දේවි හැරිස් , 1964දී උපන්නේ කැලිෆෝනියාවේදී ඕක්ලන්ඩ්වල දී. ඇයගෙ දෙමව්පියන් ඇමරිකාවට සංක්‍රමණය වුන අය. අම්මා ඉන්දියානු ජාතික කාන්තාවක්. පියා ජැමෙයිකානුවෙක්. මේ දෙමුහුන් සංස්කෘතික පසුබිමේ වැඩුණු කමලා ජීවිතය පටන් ගන්නේ නීතීඥවරියක් විදිහට. ඇය 2010 දී කැලිෆෝනියාවේ නීතිපති තනතුරට පත් වෙනවා. පසුව දේශපාලනයට පිවිසෙන කමලා 2017දී,  එක්සත් ජනපද සෙනෙට් සභිකයෙකු ලෙස තේරී පත් වෙනවා. ...

(Bනිව්ස්, 2024 ඔක්තෝබර් 26) ඇල්පිටිය ප්‍රාදේශීය සභාව සඳහා පැවැත්වූ ඡන්ද විමසීමෙහි සමස්ත ඡන්ද ප්‍රතිඵලයට අනුව, ජාතික ජන බලවේගය එම මැතිවරණයෙන් ජය ලබා තිබෙනවා. 55,643ක් වූ මුළු ලියාපදිංචි ඡන්දදායක සංඛ්‍යාවෙන් 17,295 ලබා ගත් ජාතික ජන බලවේගය සමස්ත සභිකයින් සංඛ්‍යාව වූ 28න් සභිකයින් 15 දෙනෙකු පත් කොට යැවීම සඳහා සුදුසුකම් ලබා තිබෙනවා. ජාතික පාර්ලිමේන්තු මැතිවරණයට පූර්වගාමීව පැවති එක්තරා අන්දමක පෙරහුරුවක් බඳු වූ මේ මැතිවරණ ප්‍රතිඵලය, ජනාධිපතිවරණයේදී ලැබූ ප්‍රතිඵලය යළි තහවුරු කිරීමක් ලෙස සැලකීමට හැකියි. මෙන්න එම සමස්ත ඡන්ද ප්‍රතිඵලය.   ජාතික ජන බලවේගය- ඡන්ද 17,295 - සභික සංඛ්‍යාව - 15 සමගි ජන බලවේගය- ඡන්ද 7,924 - සභික සංඛ්‍යාව - 6 ශ්‍රී ලංකා පොදුජන පෙරමුණ- 3,597 ඡන්ද  - සභික සංඛ්‍යාව - 3 පොදුජන එක්සත් පෙරමුණ- ඡන්ද2,612 - සභික සංඛ්‍යාව - 2 ස්වාධීන කණ්ඩායම- ඡන්ද 2,568  - සභික සංඛ්‍යාව - 2 පොදුජන එක්සත් නිදහස් සන්ධානය- ඡන්ද 1,350 - සභික සංඛ්‍යාව - 1 ජාතික ජනතා පක්ෂය- ඡන්ද 521 - සභික සංඛ්‍යාව - 1 දෙවන පරපුර- ඡන්ද 388 - සභික සංඛ්‍යාව - 0 ජනසෙත පෙරමුණ- ඡන්ද 50 - සභික සංඛ්‍යාව ...

(Bනිව්ස්, 2024 ඔක්තෝබර් 20) ඊශ්‍රායලය යහියා සින්වා(ර්) ඝාතනය කළේ කොහොමද? මොසාර්ඩ් එකෙන් කරපු මැජික් එකකින්ද? ඊශ්‍රායල් හමුදා භාවිතා කරන අධි තාක්ෂණික යුධෝපක්‍රමයකින්ද? සියල්ලන් පුදුමයට පත් කළ පිළිතුර වුනේ "නැත" යන්නයි. එය හුදෙක් වාසනාව මුල් කොට ගත් අහම්බයක්! හිට්ලර්ගේ මහා ජනසංහාරයෙන් පසු, එකවර වැඩිම යුදෙව්වන් ප්‍රමාණයක් ඝාතනය කරමින් ඉකුත් වසරේ ඔක්තෝම්බර් 07 වන දා එල්ල කළ හමාස් ප්‍රහාරයේ මහමොළකරු ලෙස නම් කෙරුණේ  සින්වාර්ව. එනිසා, සින්වාර් දඩයම ගාසා යුධ න්‍යාය පත්‍රයේ ඉහළින්ම තිබූ අංකයක්. එහෙත් ඒ දඩයම ඉකුත් 16 වන දා ඉටු වන මොහොත වන විට, සමස්ත ගාසාවම බිමට සමතලා කොට පලස්තීන සිවිල් වැසියන් 42,000ක් මරා දමා අවසන්. වසරක් පුරාවටම ඉශ්‍රායල් හමුදාව සින්වාර් සැඟව සිටි ස්ථානය සොයා ගැනීමට සමත් වුනේ නැහැ. දකුනු ගාසාවේ රෆා ප්‍රදේශයේ ඔහු සිටි බවට ඔවුන් සතු තොරතුරු තිබූ නමුත් වර්ග කිමී 64 ක් වූ, මිලියනයක ජනතාවක් පොදිකමින් සිටින එම ප්‍රදේශයේ මෙහෙයුමකින් සින්වාර් සොයාගැනීම කිසිසේත්ම පහසු වුනේ නැහැ. බදාදා 16 වන දා ටාල් අල් සුල්තාන් නම් පෙදෙසේදී ඊශ්‍රායල් හමුදා භටයින් සහ අහඹු ලෙස නිරීක්ෂණය වූ හමාස...

(Bනිව්ස්, 2024 ඔක්තෝබර් 12) කලාකරුවන් දේශපාලනයට එක් වීම අපේ රටට අලුත් දෙයක් නෙමේ. විජය කුමාරතුංග, ගාමිණී ෆොන්සේකා, මාලිනි ෆොන්සේකා, රවීන්ද්‍ර රන්දෙණිය වැනි කලාකරුවන් මෙහිදි අපේ මතකයට නැගෙනවා. මෙවර මහ මැතිවරණයටත් විවිධ පක්ෂ වල අපේක්ෂක ලැයිස්තු වලින් කලාකරුවන්, සාහිත්‍යවේදීන් කිහිප දෙනෙකුම ඉදිරිපත් වී තිබෙනවා. මෙන්න එම ලැයිස්තුව. රන්ජන් රාමනායක | එක්සත් ප්‍රජාතන්ත්‍රවාදී හඬ | ගම්පහ කමල් අද්දර ආරච්චි | දෙවැනි පරපුර | ත්‍රිකුණාමලය ජගත් මනුවර්ණ | ජාතික ජන බලවේගය |  මහනුවර ජෙහාන් අප්පුහාමි | ජන අරගල සන්ධානය | පුත්තලම ගීතා කුමාරසිංහ | සමගි ජන බලවේගය | ගාල්ල අනූෂා දමයන්ති | ශ්‍රී ලංකා පොදුජන පෙරමුණ | ජාතික ලැයිස්තුව චමිලා පීරිස් | ජාතික ජන බලවේගය | ජාතික ලැයිස්තුව එම්. ඒ. හනීෆා (ශෂී විජේන්ද්‍ර ) | ජාතික ජන බලවේගය | මාතලේ කීර්ති වැලිසරගේ | ජාතික ජන බලවේගය | ජාතික ලැයිස්තුව විමල් කැටිපෙආරච්චි | ජාතික ජන බලවේගය | කොළඹ උපුල් කුමරප්පෙරුම | ජාතික ජන බලවේගය | මාතර හිනිදුම සුනිල් සෙනවි | ජාතික ජන බලවේගය | රත්නපුර ජයන්ත කැටගොඩ | ශ්‍රී ලංකා පොදුජන පෙරමුණ | ජාතික ලැයිස්තුව දමිතා අබේරත්න සමගි ජන බලවේග...

(Bනිව්ස්, 2024 ඔක්තෝබර් 12) හිටපු ජනපතිවරු, කැබිනට් ඇමතිවරු, මන්ත්‍රීවරු සහ හිටපු මන්ත්‍රීවරු රාශියක් මෙවර මහා මැතිවරණයට තරඟ නොකරන්නට තීරණය කොට තිබෙනවා. ඔවුන් විසින් ඒ සම්බන්ධයෙන් විවිධ හේතු දක්වන නමුත්, ජනාධිපතිවරණ ප්‍රතිඵලය මගින් ඇතු කළ වෙනස ඒ සඳහා නිසැකව වශයෙන් බලපා තිබෙන බව නොරහසක්. මෙන්න ඒ සටන් බිමෙන් සමුගත් සෙන්පතියන්ගේ ලැයිස්තුව! රනිල් වික්‍රමසිංහ මහින්ද රාජපක්ෂ මෛත්‍රීපාල සිරිසේන මහින්ද යාපා අබේවර්ධන ඛන්දුල ගුණවර්ධන විජයදාස රාජපක්ෂ විමලවීර දිසානායක ෂෙහාන් සේමසිංහ කනක හේරත් ලක්ෂ්මන් කිරිඇල්ල ජනක බණ්ඩාර තෙන්නකෝන් එස්.බී. දිසානායක පාඨලී චම්පික රණවක ෂාන් විජයලාල් ද සිල්වා විමල් වීරවංශ ඩබ්ලිව්. ඩී. ජේ. සෙනවිරත්න ගාමිණී ලොකුගේ සී.වී. විග්නේෂ්වරන් වාසුදේව නානායක්කාර ගෙවිඳු කුමාරතුංග ලක්ෂ්මන් යාපා අබේවර්ධන නවීන් දිසානායක අකිල විරාජ් කාරියවසම් රංජිත් අලුවිහාරේ [මෙම පුවත වීඩියෝවක් ලෙස නරඹන්න►]

(Bනිව්ස්, 2024 ඔක්තෝබර් 11) වසරකට පෙර හමාස් සංවිධානය ඊශ්‍රායලය ආක්‍රමණය කරමින් ඊශ්‍රායල් වාසීන් 1,200 ක් මරා දමා තවත් 250 ක් ප්‍රාණ ඇපයට ගනිමින් ආරම්භ වූ ගාසා යුද්ධය මැදපෙරදිග පුරා පැතිරී ඊශ්‍රායලය ඉරානය සමඟ යුද්ධයක අද්දරට ඇද දමා තිබේ.   මැද පෙරදිග ලෙයින් නහවන, මේ ම්ලේච්ඡ යුද්ධයේ, වසරක ශේෂ පත්‍රයේ ලෙස මරණ සහ අඳෝනා හැර කිසිවකු හෝ දිනූ කිසිවක්ම ඇත්තේ නැත. 2023 ඔක්තෝබර් 7 වැනිදා සිට අවම වශයෙන් පලස්තීනුවන් 41,788ක් මිය ගොස් 96,794ක් තුවාල ලබා ඇති බව රොයිටර් වාර්තා කොට තිබෙනවා. වසර පුරා ලෙබනනයට එල්ල වූ ඊශ්‍රායල ප්‍රහාරවලින් ලෙබනන් ජාතිකයන් 2,000කට ආසන්න සංඛ්‍යාවක් මිය ගොස් මිලියන 1.2කට වැඩි පිරිසක් අවතැන් වී ඇති බව ද වාර්තා වෙනවා. මේ ගාසා යුද්ධය ආරම්භ වූ දා සිට අද දක්වා සිදු වූ ප්‍රධාන සිදුවීම වල සාරාංශයක්. 2023 ඔක්තෝබර් 7: හමාස් සංවිධානය ඊශ්‍රායලය ආක්‍රමණය කිරීම. මරණ 1200. ප්‍රාණ ඇපකරුවන්  250. ඔක්තෝබර් 8: ඊශ්‍රායලය ගාසා තීරය ආක්‍රමණය කිරීම. නොවැම්බර් 24: පළමු සටන් විරාමය. නොවැම්බර් 30: සටන් විරාමය අවසන්. 2024 ජනවාරි 2: බේරූට් වෙත එල්ල කළ ඊශ්‍රායල් ගුවන් ප්‍රහාරයකින් හමාස් නි...